Oktyabrın 9-da Azərbaycan, Gürcüstan və Türkiyə müdafiə nazirləri arasında 12-ci üçtərəfli görüş keçirilib.
AZƏRTAC agentliyinin xəbərinə görə, Türkiyənin Ankara şəhərində gerçəkləşən görüşdə regionda mövcud hərbi-siyasi vəziyyət, üçtərəfli formatda hərbi əməkdaşlığın inkişaf etdirilməsi, eləcə də hərbi, hərbi-texniki, hərbi təhsil və hərbi tibb sahələrində əməkdaşlığın yeni perspektivləri müzakirə olunub.
Tərəflər həmçinin onlar arasında baş tutan üçtərəfli və ikitərəfli birgə təlimlərin vacibliyini vurğulayıblar.
Azərbaycan, Türkiyə və Gürcüstan müdafiə nazirləri arasında üçtərəfli formatda görüşlər 2014-cü ildən keçirilir.